Кейін істеймін деген адам құриды
Бұл дін бізге өте қиын шарттарда келді. Көптеген еңбектің, машаққат пен қажырлықтың арқасында жетті. Әһли сүннет ғұламаларының, Силсилә-и алия ұлыларының өмірбаяндарын оқыған адам мұны көреді. Кейбірлері шәкірттерімен және жақындарымен де көріспей, өмір бойы кітап дайындаумен айналысқан. Кейбірі демалуды, серуендеуді ысырып қойып, айт күндерінің өзінде кітап жазған. Осы ұлы ғалымдардың бірінің жұбайы бір күні былай деп әңгімелеген:
«Айт намазын оқып үйге келді. Мейраммен құттықтағаннан кейін үндеместен үстеліне барып отырып кітап жазу жұмысына кірісіп кетті. «Мырзам, бүгін айт қой ешқайда бармаймыз ба?» - деп сұрап едім, «Мына кітаптар барда мен ешқайда бара алмаймын. Жұрттар қалаған жеріне барсын, айттассын» деп жауап берді. Үш-төрт күндік айт бойынша кітабынан айрылмады».
Осы ғалымның бір шәкірті де былай айтып берген:
«Бір күні түнгі сағат екі жарымда есік қағылды. Бір ауру немесе маңызды бір нәрсе болып қалды деп қорқып кеттім. Сыртқа шықтым. Мүбәрәк ұстазым екен, қолында қағазы бар еді. «Ұстазым, тыныштық па?» - дедім. «Бір мәселе ұйқымды кетірді. Кітапқа бір нәрсе қостым. Мұны ертең баспаға апарыңдар, мына жеріне қосып қойыңдар!» - деп бұйырды. «Құп болады, ұстазым» - дедім, бірақ ішімнен «Неге таңертең әкелмей, қазір әкеліп тұр» деп ойлап тұрғанымда, «Таңертеңге дейін өліп қалсам, бұл қағазды сендерге кім береді, кім түсіндіріп береді? Таңертеңге дейін өмір сүретініме сенімді болмағаным үшін, менен кейін бұл ұмытылып кетпесін деп сендерді осы уақытта мазалап тұрмын» - деді. Сосын осылай ойлағаныма дереу тәубе еттім».
Көрініп тұрғанындай бізге дінімізді дұрыс әрі толық жеткізетін, үйрететін бұл кітаптар оңай жазылған жоқ. Тағы сол ғалым кісі былай деген:
«Осынша кітапты қалай оқыдыңыз, үйдің жағдайында, бала-шаға, тірлік бар кезде осынша кітапты қалай жаздыңыз, осынша кітапты мынадай мүмкіншіліктермен бір өмірге қалай сыйдырдыңыз деп сұрайтындарға жауабымыз былай:
«Хәләкәл мусаууифун», яғни «Кейін істеймін деген адам құрыды» деген хадис шәрифті өзіме нұсқау еттім. Өмірім бойынша «мына істі кейінірек істеймін» деген бірде-бір ойым болмады. Бір істі ертеңге түгіл, бірнеше сағатқа да шегермедім. Сол мезетте істеп, бірінші мүмкіндікте бітірдім. Күндіз болсын, түнде болсын, үйде немесе сыртта, қай жерде болса да істі шегермедім. Біраздан кейін істеймін демедім. Міне Аллаһу та'ала маған осы ұстанымым үшін жетістікке жеткізді. Бізді жақсы көргендер де осы хадис шәрифті нұсқау етіп алуы керек. Бүгіннің тірлігін ертеңге қалдырмау керек...
Сайтымыздағы мәліметтер бүкіл адамзаттың пайдалануы үшін дайындалған.
Түп нұсқасын өзгертпеу шартымен рұқсат алмай-ақ, әркім қалағанынша пайдалана алады. www.islamdini.kz ® 2008-2025