Намазды мешітте оқығанға берілетін құтылу құжаты
Жамағатпен намаз оқу сүннет-и худа, яғни ислам дінінің белгісі болған маңызды сүннет. Жамағатпен оқылған намаз жалғыз оқылған намаздан 25 немесе 27 есе құндырақ.
Намазды мешітте оқудың бөлек сауабы бар. Яғни мешітте намаз оқу үйде оқудан сауаптырақ. Хадис шәрифтерде былай делінеді:
«Үйде оқылған намазға бір сауап, ауладағы мешітте жиырма бес сауап, жұма намазы оқылатын үлкен мешітте бес жүз сауап, Мәсжид-и Ақсада бес мың сауап, Мәдинадағы осы мешітімде елу мың сауап, Мәсжид-и Харамда (қағбада) жүз мың сауап бар». (Ибн Мажа).
«Үйі мешіттен алыс болған адамның (әр қадамына сауап берілгендіктен) сауабы көбірек». (Бұхари).
«Құптан мен таң намаздарын жамағатпен оқу мұнафықтарға ауыр келеді. Егер мұндағы сауапты білгенде, олар сүрініп болса да жамағатқа келетін еді. Намазға келмейтіндердің үйлерін құлатқым келді». (Бұхари).
«Кімде-кім қырық күн таң намазының алғашқы тәкбіріне үлгерсе, оған екі құжат жазылады: тозақтан құтылу құжаты және мұнафық болудан амандық құжаты». (Әбушшәйх).
Әмир-ул мүминин хазреті Омар (радиаллаһу анһ) бір күні таң намазын жамағатпен оқыған соң мешіттегілерге қарап, араларында біреуді көрмеген кезде «Пәленшені араларыңда көрмей тұрмын» деді. Жамағат «Ол түні бойы таңға дейін ғибадат етеді. Бәлкім қазір ұйықтап қалған болар» деді. Сонда әмир-ул мүминин «Әттең, түні бойы ұйықтап, таң намазын жамағатпен оқығанда, жақсырақ болар еді» деді.
Дін ғұламалары айтады: «Мешіттер – Аллаһу та'аланың үйі. Әр адам қонағын өз шамасына, өз мүмкіндігіне, өз жағдайына қарай күтеді. Аллаһу та'ала «Менің үйіме келген адамды мен өзіме тән күйде, маған лайықты түрде күтемін» дейді».
Үлкен ислам ғалымы Хусейн Хилми бин Саид (қуддиса сиррух) айтқан:
«Біздің дініміз мұсылмандардың бірге жиналуына аса мән береді. Мысалы жамағатпен намаз оқу осының бір мысалы. Мұсылман емес бір елдің президентінің намаз оқып жатқанын көрсек, мұсылман болуы да, болмауы да мүмкін дей аламыз. Бірақ жамағатпен намаз оқыса, іші кәпір болса да, оған міндетті түрде мұсылман дейміз. Өйткені жамағат исламның белгісі. Мұсылмандар жамағатпен намаз оқыды ма, онда еш күмән келтірмей, «Ол мұсылман» деу керек. Өйткені соншалықты адамның куә болуын Аллаһу та'ала қайтармайды»...
Қандай да бір себеппен мешітке бара алмаған адам үйіндегілермен немесе қонақтарымен намаз оқыса, жамағат сауабын алады. Бірақ қазір пандемия, коронавирус кезеңдері өтіп кетті. Кешірімді себебі болмаған ер мұсылмандар намаздарын мешітте жамағатпен оқуға тырысуы қажет, жоғарыда айтылған осы сүйіншілерден мақұрым қалмаған жөн.
Сайтымыздағы мәліметтер бүкіл адамзаттың пайдалануы үшін дайындалған.
Түп нұсқасын өзгертпеу шартымен рұқсат алмай-ақ, әркім қалағанынша пайдалана алады. www.islamdini.kz ® 2008-2024