Ахиретте құтылудың алғашқы шарты
Әһли хикмет ғұламалар былай деген:
«Аллаһу та'аланың бір құлын жақсы көрмейтінінің белгісі – ол құлдың малаянимен айналысуы» хадис шәрифінде білдірілген «малаяни» сөзі адамның дініне және дүниесіне пайдасы тимейтін бос істер дегенді білдіреді. Ал Аллаһу та'аланың бір құлын жақсы көретіндігінің белгісі – ол құлына Имам Раббани хазреттері сияқты пайғамбарымыздың мұрагері болған бір сүйікті құлын танытуы. Аллаһтың разылығының және де ахиретте құтылудың алғашқы шарты – Оның сүйікті құлдарының разылығын алу. Олардың разылығын алған кезде олардың ұстаздарының разылығы да алынуда. Олардың разылығын алғанда олардың ұстаздарының да разылығы алынған болады. Осылайша Расулуллаһ алейһиссаламның да, Аллаһу та'аланың да разылығы алынған болады. Әулиелердің разылығы қай амалда екендігі заманға, шарттарға және тұлғаның өзіне қарап өзгереді. Бұл заманда ең маңызды амал – дінімізді алдымен өзіміз дұрыс үйренуіміз, кейін мұны баяндайтын дұрыс кітаптарды тарату.
Барлық нәрсе ғалымдардың кітаптарында жазулы. Бұл кітаптарды оқуды ең үлкен ниғмет деп білу керек. Жазылғандарды қолдан келгенше орындауға тырысу керек. Адам әр сәтте бір шешім қабылдап тұрады. Қабылдаған шешімі нәпсінің қалауына сай болса, бұл шешім оны тозаққа жетелейді. Аллаһу та'аланың разылығына сай шешім қабылдаса, бұл оны жәннатқа жетелейді.
Бәрінен бұрын харамдарды тәрк ету керек, тәкәппарланбау керек, ғайбат айтпау керек, Аллаһтың құлдарына мейірім таныту керек, оларға сый-сияпат көрсету керек, үнемшілдікке мән беру керек, ысырап етпеу керек, бірақ қызметте және сый-сияпатта жомарт болу қажет, бүгіннің ісін ертеңге қалдырмау керек. Үлкен әулиелер былай дейді:
«Бала-шағаларыңа сенім мен амал білімдерін, Құран кәрім оқуды үйретіңдер! Асхаби кирамға, мазһаб имамдарына, әулиелерге деген сүйіспеншілікті олардың жүректеріне орнықтырыңдар! Ислам дінін жаюға тырысудың пайғамбарлардың міндеті екенін, бұл қызметпен айналысу абыройына ие болудың өте аз адамға нәсіп болатынын біліп, қызмет еткенде олар назданбасын. Бұл қызметтің оларға берілуін ниғмет деп білсін.»
Бұл қызметтердің құнын түсінуге және айтып жеткізуге біздің күшіміз жетпейді. Бұл қызметтерді жақсы көріп атқару – Аллаһу та'ала берген үстемдік пен сый. Ол мұны сүйіктілеріне береді. Мұндай үлкен ниғмет үшін Оған қанша шүкір етсек те, аз.
Сайтымыздағы мәліметтер бүкіл адамзаттың пайдалануы үшін дайындалған.
Түп нұсқасын өзгертпеу шартымен рұқсат алмай-ақ, әркім қалағанынша пайдалана алады. www.islamdini.kz ® 2008-2024