Қабір басында Құран оқу
Сұрақ: Өздерін сәләфи деп атайтын кейбір жастар мазарда Құран оқуға болмайды дейді. Қабір басында Құран оқу сүннет емес пе?
Жауап: Иә, сүннет. Құнды деректердегі мәліметтер мынадай:
«Қабір басында отырып, Құран оқуға болады.» (Халеби-и кәбир, 496 бет)
Ахмед бин Ханбал айтқан: «Мазарға кіргенде Фатиха, Фалақ, Нас және Ихлас сүрелерін оқыңдар! Сауабын өлілерге жіберіңдер! Сауабы бәріне жетеді.» Хадис шәрифте: «Бір адам мазардан өтіп бара жатқанда 11 рет Ихлас сүресін оқып, сауабын өлілерге бағыштаса, оған өлілердің санындай сауап беріледі» делінген. (Әфтал-ул мүслимин – Имам Биргиуи)
«Мазарда Құран оқу сүннет.» (Сәйид Ахмед Тахтауи)
«Мазарда Құран оқып, сауабын өлілерге бағыштау керек.» (Фәтауа-и Хиндийа, 5 том, 350 бет)
«Мазарда дауыстап немесе жай дауыспен Мүлк сүресін немесе басқа сүрелер оқуға болады.» (Захира)
«Өлінің Құран дауысын естіп, рахаттануына ниет еткен адам жоғары дауыспен оқиды.» (Ханийа)
Сайтымыздағы мәліметтер бүкіл адамзаттың пайдалануы үшін дайындалған.
Түп нұсқасын өзгертпеу шартымен рұқсат алмай-ақ, әркім қалағанынша пайдалана алады. www.islamdini.kz ® 2008-2024